ŚIVA MAHIMNĀ STOTRAM

atha śrī śivamahimnastotram ‖

mahimnaḥ pāraṃ te paramaviduśho yadyasadṛśī
stutirbrahmādīnāmapi tadavasannāstvayi giraḥ |
athā'vācyaḥ sarvaḥ svamatipariṇāmāvadhi gṛṇan
mamāpyeśha stotre hara nirapavādaḥ parikaraḥ ‖ 1 ‖

atītaḥ panthānaṃ tava ca mahimā vāṅmanasayoḥ
atadvyāvṛttyā yaṃ cakitamabhidhatte śrutirapi |
sa kasya stotavyaḥ katividhaguṇaḥ kasya viśhayaḥ
pade tvarvācīne patati na manaḥ kasya na vacaḥ ‖ 2 ‖

madhusphītā vācaḥ paramamamṛtaṃ nirmitavataḥ
tava brahman^^ kiṃ vāgapi suragurorvismayapadam |
mama tvetāṃ vāṇīṃ guṇakathanapuṇyena bhavataḥ
punāmītyartheasmin puramathana buddhirvyavasitā ‖ 3 ‖ 

tavaiśvaryaṃ yattajjagadudayarakśhāpralayakṛt
trayīvastu vyastaṃ tisruśhu guṇabhinnāsu tanuśhu |
abhavyānāmasmin varada ramaṇīyāmaramaṇīṃ
vihantuṃ vyākrośīṃ vidadhata ihaike jaḍadhiyaḥ ‖ 4 ‖

kimīhaḥ kiṅkāyaḥ sa khalu kimupāyastribhuvanaṃ
kimādhāro dhātā sṛjati kimupādāna iti ca |
atarkyaiśvarye tvayyanavasara duḥstho hatadhiyaḥ
kutarkoayaṃ kāṃścit mukharayati mohāya jagataḥ ‖ 5 ‖

ajanmāno lokāḥ kimavayavavantoapi jagatāṃ
adhiśhṭhātāraṃ kiṃ bhavavidhiranādṛtya bhavati |
anīśo vā kuryād bhuvanajanane kaḥ parikaro
yato mandāstvāṃ pratyamaravara saṃśerata ime ‖ 6 ‖

trayī sāṅkhyaṃ yogaḥ paśupatimataṃ vaiśhṇavamiti
prabhinne prasthāne paramidamadaḥ pathyamiti ca |
rucīnāṃ vaicitryādṛjukuṭila nānāpathajuśhāṃ
nṛṇāmeko gamyastvamasi payasāmarṇava iva ‖ 7 ‖

mahokśhaḥ khaṭvāṅgaṃ paraśurajinaṃ bhasma phaṇinaḥ
kapālaṃ cetīyattava varada tantropakaraṇam |
surāstāṃ tāmṛddhiṃ dadhati tu bhavadbhūpraṇihitāṃ
na hi svātmārāmaṃ viśhayamṛgatṛśhṇā bhramayati ‖ 8 ‖

dhruvaṃ kaścit sarvaṃ sakalamaparastvadhruvamidaṃ
paro dhrauvyā'dhrauvye jagati gadati vyastaviśhaye |
samasteapyetasmin puramathana tairvismita iva
stuvan^^ jihremi tvāṃ na khalu nanu dhṛśhṭā mukharatā ‖ 9 ‖

tavaiśvaryaṃ yatnād yadupari viriñcirhariradhaḥ
paricChetuṃ yātāvanalamanalaskandhavapuśhaḥ |
tato bhaktiśraddhā-bharaguru-gṛṇadbhyāṃ giriśa yat
svayaṃ tasthe tābhyāṃ tava kimanuvṛttirna phalati ‖ 10 ‖

ayatnādāsādya tribhuvanamavairavyatikaraṃ
daśāsyo yadbāhūnabhṛta raṇakaṇḍū-paravaśān |
śiraḥpadmaśreṇī-racitacaraṇāmbhoruha-baleḥ
sthirāyāstvadbhaktestripurahara visphūrjitamidam ‖ 11 ‖

amuśhya tvatsevā-samadhigatasāraṃ bhujavanaṃ
balāt kailāseapi tvadadhivasatau vikramayataḥ |
alabhyā pātāleapyalasacalitāṅguśhṭhaśirasi
pratiśhṭhā tvayyāsīd dhruvamupacito muhyati khalaḥ ‖ 12 ‖

yadṛddhiṃ sutrāmṇo varada paramoccairapi satīṃ
adhaścakre bāṇaḥ parijanavidheyatribhuvanaḥ |
na taccitraṃ tasmin varivasitari tvaccaraṇayoḥ
na kasyāpyunnatyai bhavati śirasastvayyavanatiḥ ‖ 13 ‖

akāṇḍa-brahmāṇḍa-kśhayacakita-devāsurakṛpā
vidheyasyā''sīd^^ yastrinayana viśhaṃ saṃhṛtavataḥ |
sa kalmāśhaḥ kaṇṭhe tava na kurute na śriyamaho
vikāroapi ślāghyo bhuvana-bhaya- bhaṅga- vyasaninaḥ ‖ 14 ‖

asiddhārthā naiva kvacidapi sadevāsuranare
nivartante nityaṃ jagati jayino yasya viśikhāḥ |
sa paśyannīśa tvāmitarasurasādhāraṇamabhūt
smaraḥ smartavyātmā na hi vaśiśhu pathyaḥ paribhavaḥ ‖ 15 ‖

mahī pādāghātād vrajati sahasā saṃśayapadaṃ
padaṃ viśhṇorbhrāmyad bhuja-parigha-rugṇa-graha- gaṇam |
muhurdyaurdausthyaṃ yātyanibhṛta-jaṭā-tāḍita-taṭā
jagadrakśhāyai tvaṃ naṭasi nanu vāmaiva vibhutā ‖ 16 ‖

viyadvyāpī tārā-gaṇa-guṇita-phenodgama-ruciḥ
pravāho vārāṃ yaḥ pṛśhatalaghudṛśhṭaḥ śirasi te |
jagaddvīpākāraṃ jaladhivalayaṃ tena kṛtamiti
anenaivonneyaṃ dhṛtamahima divyaṃ tava vapuḥ ‖ 17 ‖

rathaḥ kśhoṇī yantā śatadhṛtiragendro dhanuratho
rathāṅge candrārkau ratha-caraṇa-pāṇiḥ śara iti |
didhakśhoste koayaṃ tripuratṛṇamāḍambara-vidhiḥ
vidheyaiḥ krīḍantyo na khalu paratantrāḥ prabhudhiyaḥ ‖ 18 ‖

hariste sāhasraṃ kamala balimādhāya padayoḥ
yadekone tasmin^^ nijamudaharannetrakamalam |
gato bhaktyudrekaḥ pariṇatimasau cakravapuśhaḥ
trayāṇāṃ rakśhāyai tripurahara jāgarti jagatām ‖ 19 ‖

kratau supte jāgrat^^ tvamasi phalayoge kratumatāṃ
kva karma pradhvastaṃ phalati puruśhārādhanamṛte |
atastvāṃ samprekśhya kratuśhu phaladāna-pratibhuvaṃ
śrutau śraddhāṃ badhvā dṛḍhaparikaraḥ karmasu janaḥ ‖ 20 ‖

kriyādakśho dakśhaḥ kratupatiradhīśastanubhṛtāṃ
ṛśhīṇāmārtvijyaṃ śaraṇada sadasyāḥ sura-gaṇāḥ |
kratubhraṃśastvattaḥ kratuphala-vidhāna-vyasaninaḥ
dhruvaṃ kartuḥ śraddhā-vidhuramabhicārāya hi makhāḥ ‖ 21 ‖

prajānāthaṃ nātha prasabhamabhikaṃ svāṃ duhitaraṃ
gataṃ rohid^^ bhūtāṃ riramayiśhumṛśhyasya vapuśhā |
dhanuśhpāṇeryātaṃ divamapi sapatrākṛtamamuṃ
trasantaṃ teadyāpi tyajati na mṛgavyādharabhasaḥ ‖ 22 ‖

svalāvaṇyāśaṃsā dhṛtadhanuśhamahnāya tṛṇavat
puraḥ pluśhṭaṃ dṛśhṭvā puramathana puśhpāyudhamapi |
yadi straiṇaṃ devī yamanirata-dehārdha-ghaṭanāt
avaiti tvāmaddhā bata varada mugdhā yuvatayaḥ ‖ 23 ‖

śmaśāneśhvākrīḍā smarahara piśācāḥ sahacarāḥ
citā-bhasmālepaḥ sragapi nṛkaroṭī-parikaraḥ |
amaṅgalyaṃ śīlaṃ tava bhavatu nāmaivamakhilaṃ
tathāpi smartRRīṇāṃ varada paramaṃ maṅgalamasi ‖ 24 ‖

manaḥ pratyakcitte savidhamavidhāyātta-marutaḥ
prahṛśhyadromāṇaḥ pramada-salilotsaṅgati-dṛśaḥ |
yadālokyāhlādaṃ hrada iva nimajyāmṛtamaye
dadhatyantastattvaṃ kimapi yaminastat kila bhavān ‖ 25 ‖

tvamarkastvaṃ somastvamasi pavanastvaṃ hutavahaḥ
tvamāpastvaṃ vyoma tvamu dharaṇirātmā tvamiti ca |
paricChinnāmevaṃ tvayi pariṇatā bibhrati giraṃ
na vidmastattattvaṃ vayamiha tu yat tvaṃ na bhavasi ‖ 26 ‖

trayīṃ tisro vṛttīstribhuvanamatho trīnapi surān
akārādyairvarṇaistribhirabhidadhat tīrṇavikṛti |
turīyaṃ te dhāma dhvanibhiravarundhānamaṇubhiḥ
samastaṃ vyastaṃ tvāṃ śaraṇada gṛṇātyomiti padam ‖ 27 ‖

bhavaḥ śarvo rudraḥ paśupatirathograḥ sahamahān
tathā bhīmeśānāviti yadabhidhānāśhṭakamidam |
amuśhmin pratyekaṃ pravicarati deva śrutirapi
priyāyāsmaidhāmne praṇihita-namasyoasmi bhavate ‖ 28 ‖

namo nediśhṭhāya priyadava daviśhṭhāya ca namaḥ
namaḥ kśhodiśhṭhāya smarahara mahiśhṭhāya ca namaḥ |
namo varśhiśhṭhāya trinayana yaviśhṭhāya ca namaḥ
namaḥ sarvasmai te tadidamatisarvāya ca namaḥ ‖ 29 ‖

bahula-rajase viśvotpattau bhavāya namo namaḥ
prabala-tamase tat saṃhāre harāya namo namaḥ |
jana-sukhakṛte sattvodriktau mṛḍāya namo namaḥ
pramahasi pade nistraiguṇye śivāya namo namaḥ ‖ 30 ‖

kṛśa-pariṇati-cetaḥ kleśavaśyaṃ kva cedaṃ kva ca tava guṇa-sīmollaṅghinī śaśvadṛddhiḥ |
iti cakitamamandīkṛtya māṃ bhaktirādhād varada caraṇayoste vākya-puśhpopahāram ‖ 31 ‖

asita-giri-samaṃ syāt kajjalaṃ sindhu-pātre sura-taruvara-śākhā lekhanī patramurvī |
likhati yadi gṛhītvā śāradā sarvakālaṃ tadapi tava guṇānāmīśa pāraṃ na yāti ‖ 32 ‖

asura-sura-munīndrairarcitasyendu-mauleḥ grathita-guṇamahimno nirguṇasyeśvarasya |
sakala-gaṇa-variśhṭhaḥ puśhpadantābhidhānaḥ ruciramalaghuvṛttaiḥ stotrametaccakāra ‖ 33 ‖

aharaharanavadyaṃ dhūrjaṭeḥ stotrametat paṭhati paramabhaktyā śuddha-cittaḥ pumān yaḥ |
sa bhavati śivaloke rudratulyastathā'tra pracuratara-dhanāyuḥ putravān kīrtimāṃśca ‖ 34 ‖

maheśānnāparo devo mahimno nāparā stutiḥ | 
aghorānnāparo mantro nāsti tattvaṃ guroḥ param ‖ 35 ‖

dīkśhā dānaṃ tapastīrthaṃ GYānaṃ yāgādikāḥ kriyāḥ | 
mahimnastava pāṭhasya kalāṃ nārhanti śhoḍaśīm ‖ 36 ‖

kusumadaśana-nāmā sarva-gandharva-rājaḥ
śaśidharavara-maulerdevadevasya dāsaḥ |
sa khalu nija-mahimno bhraśhṭa evāsya rośhāt
stavanamidamakārśhīd divya-divyaṃ mahimnaḥ ‖ 37 ‖

suragurumabhipūjya svarga-mokśhaika-hetuṃ
paṭhati yadi manuśhyaḥ prāñjalirnānya-cetāḥ |
vrajati śiva-samīpaṃ kinnaraiḥ stūyamānaḥ
stavanamidamamoghaṃ puśhpadantapraṇītam ‖ 38 ‖

āsamāptamidaṃ stotraṃ puṇyaṃ gandharva-bhāśhitam |
anaupamyaṃ manohāri sarvamīśvaravarṇanam ‖ 39 ‖

ityeśhā vāṅmayī pūjā śrīmacChaṅkara-pādayoḥ |
arpitā tena deveśaḥ prīyatāṃ me sadāśivaḥ ‖ 40 ‖

tava tattvaṃ na jānāmi kīdṛśoasi maheśvara |
yādṛśoasi mahādeva tādṛśāya namo namaḥ ‖ 41 ‖

ekakālaṃ dvikālaṃ vā trikālaṃ yaḥ paṭhennaraḥ |
sarvapāpa-vinirmuktaḥ śiva loke mahīyate ‖ 42 ‖

śrī puśhpadanta-mukha-paṅkaja-nirgatena
stotreṇa kilbiśha-hareṇa hara-priyeṇa |
kaṇṭhasthitena paṭhitena samāhitena
suprīṇito bhavati bhūtapatirmaheśaḥ ‖ 43 ‖

‖ iti śrī puśhpadanta viracitaṃ śivamahimnaḥ stotraṃ samāptam ‖